Izugarrizko lan txukunak aurkeztu dituzte gure seme-alabek. Eta irudimenari aukera ematen zaionean… ederra sormena! Bankiri eskainitako TXORIA TXORI pianoaren laguntzaz, zintzilikarioak, “Urte berri on, Banki!” zorion-mezuak, koreografiak, mila koloredun marrazkiak, postalak… ispilu gainean marrazturiko igel euskaltzalea eta guzti!
Guztira 53 lan aurkeztu dituzue eta ziur gaude horiek egiteko aitzakiarekin familia askotan tartetxo batez euskaraz jolasteko eta gozatzeko aukera izan duzuela. Hona hemen zozketa bidez saria jasoko duzuenak:
Aimar Fidalgo (HH5)
Daniel eta Najwa Boceta (LH2)
Lucia eta Andrea Orejuela (LH3)
Euskal kulturan gastatzeko hiru bono jasoko dituzue. Mila esker parte hartzaile guztiei, Banki pozez txoratzen geratu omen da gure artista txikien sorkuntzekin!

Aurkeztutako lanen laburpen bideoa duzue hemen

Eta hemen aurkeztutako lan guztiak

Zure Whatsapp perfilerako irudia sortu dugu ere, hemen duzu:

Eta nola ez, eskola ere gure egin dugu

Hau da gure gaurko aldarrikapena, baita beste 364 egunetarako ere:

Euskara Taldeak egindako argazki mosaikoa eskolako ateetan ikusi ahal izan dugu, aupa Errekabarriko Belarriprest eta Ahobizi guztiak!