Euskara Eguna ospatzen auzoko beste eskolekin batera

Euskararen Eguna ospatu genuen ostiralean Salburuako eskolan, bertako eta Arantzabelako lagunekin batera.

Harri jasotzeak, trontzak, lokotsak, soka-tira, dantzak, musika, margoketak, euskarazko liburu eta musikaren zozketa… Eta guzti hori giro ederrean. Euskaraz batzuk eta besteak euskarari bide emanez, entzunez eta hitz berriak ikasiz. Denon artean eta denok batera euskararen alde urratsak emanez.

Mila esker bertaratutako guztiei. Orain Euskarak 365!

👅👅👅👅

Isa Duque (La PsicoWoman).en hitzaldia izango dugu laster, izena eman!

Animatzen zara gure seme-alabei garapen psikosexualean nola lagundu hausnartzera? Genero-estereotipoei, sexualitateei eta ingurune birtualari buruz hitz egin nahi duzu?

IGEko berdintasun-taldeak honako hitzaldia antolatu du: 

“Sexualitateak, feminismoa eta ingurune birtuala: nola lagundu gure seme-alabei”

Horretarako sare sozialetan La PsicoWoman izenez ezagunagoa den Isa Duque psikosexologian aditua eta ziberaktibistarekin elkartzeko aukera paregabea dugu.

Jardueran ere, galderak erantzuteko eta kezkak partekatzeko aukera egongo da eta sakontzen jarraitzeko baliabideak emango dira.

10 hilabete, 10 kontzeptu feminista

Errekabarri hezkuntza komunitateak IGEk antolatua, badu berdintasun eta feminismo baliabideak elkar trukatzeko Whatsapp taldea, proiektu hau bertan doa aurrera.

10 hilabetez, 10 kontzeptu feminista landuko ditugu.

Azaroko kontzeptua “HEZKIDETZA” izango da, hemen duzue kontzeptuaren definizioa.

Baliabide asko ari dira partekatzen, taldean parte hartu nahi baduzu, idatzi gure emailera.