Ibai Fresnedo.rekin (Hiruki Larroxa) maskulinitateari buruzko hitzaldia izango dugu

Oraingo honetan, Errekabarriko IGEKo berdintasun taldetik beste hitzaldi interesgarri eta mamitsu batekin gatoz:

“Seme berdinzaleak heztearen erronka”

  • Haur mutilen heziketan genero estereotipoek duten eraginaz hausnartu nahi baduzu
  • Maskulinitatearen eraikuntzan gizonen (aitak, hezkuntza komunitateko gizonak) paperaz sakondu nahi baduzu eta…
  • Heziketa prozesuetan maskulinitate eredu parekideak lantzeko gakoak ezagutu nahi badituzu…

Horretarako Hiruki Larroxa.ko partaidea den Ibai Fresnedorekin egongo gara. 

Jardueran ere, galderak erantzuteko eta kezkak partekatzeko aukera egongo da.

Noiz? Abenduaren 16ean

Zer ordutan? 18:00 – 19:30

Non? Salburuko Gizarte Etxean

Hizkuntza: izen emateen arabera

Horretarako, izena eman behar duzu ABENDUAren 15a baino lehen, HEMEN.

Plazak mugatuak dira edukiera bete arte

Euskara Eguna ospatzen auzoko beste eskolekin batera

Euskararen Eguna ospatu genuen ostiralean Salburuako eskolan, bertako eta Arantzabelako lagunekin batera.

Harri jasotzeak, trontzak, lokotsak, soka-tira, dantzak, musika, margoketak, euskarazko liburu eta musikaren zozketa… Eta guzti hori giro ederrean. Euskaraz batzuk eta besteak euskarari bide emanez, entzunez eta hitz berriak ikasiz. Denon artean eta denok batera euskararen alde urratsak emanez.

Mila esker bertaratutako guztiei. Orain Euskarak 365!

👅👅👅👅

Isa Duque (La PsicoWoman).en hitzaldia izango dugu laster, izena eman!

Animatzen zara gure seme-alabei garapen psikosexualean nola lagundu hausnartzera? Genero-estereotipoei, sexualitateei eta ingurune birtualari buruz hitz egin nahi duzu?

IGEko berdintasun-taldeak honako hitzaldia antolatu du: 

“Sexualitateak, feminismoa eta ingurune birtuala: nola lagundu gure seme-alabei”

Horretarako sare sozialetan La PsicoWoman izenez ezagunagoa den Isa Duque psikosexologian aditua eta ziberaktibistarekin elkartzeko aukera paregabea dugu.

Jardueran ere, galderak erantzuteko eta kezkak partekatzeko aukera egongo da eta sakontzen jarraitzeko baliabideak emango dira.